«ХОМУУР КҮРЭХ» 1-кы Малдьаҕарга.
Кулун тутар 15 күнүгэр Булгунньахтаах сэлиэнньэтин иҺинэн үлэлиир тэрилтэлэр икки ардыларынааҕы күрэхтэһии чэрчитинэн «Хомуур күрэх» буолан ааста. «Хомуур күрэх» диэн саха дьонугар сынньалаҥҥа сөптөөх сүүрүүлээх – көтүүлээх, эти – хааны чэбдигирдэр сыаллаах — соруктаах саҥа айыллыбыт оонньуу буолар. Оонньуу автора Владимир Емельянов. Саха сиригэр саҥа тарҕанан эрэр оонньуу.
Күрэххэ барыта 6-лыы киһилээх 7 хамаанда кытынна; олохтоох дьаһалта – АЗС- ветеринарнай учаастак, ИП-лар, ЖКХ- Клуб, МПЧ-4– библиотека, ДЮСШ – ДШИ, оскуола, Детсад-СТНГ тэрилтэлэриттэн.
Түмүккэ – олохтоох дьаһалта-АЗС-ветринарнай учаастак хамаандата 3–с, 2 -с детсад – СТНГ уонна Оскуола хамаандата 1-кы бириистээх миэстэлэргэ таҕыстылар. Бу сырыыга күрэҕи Культуура киинэ-ЖКХ холбоҺуктаах хамаандата иилээн – саҕалаан ыыттылар. Күрэх буолан баран мөккүөрдээх буолааччы, онон бу да сырыыга үгүс мөккүөрдээх буолла.
Бу күрэхтэһиилэр сыаллара – соруктара тэрилтэ улэһиттэрин, тэрилтэлэр икки ардыларыгар доҕордуу сыһыаны үөскэтии, дьону – сэргэни бииргэ түмэн сомоҕолоһуу буоларын умнумуох тустаахпыт.