Аан дойду дьахталларын күнүн көрсө 1-кы Малдьаҕар нэһилиэгин Кэрэ Куотун быһаарар шоу-күрэх үрдүк тэрээһиннээхтик барда. Шоуну иилээн-саҕалаан ыыттылар нэһилиэкпит хорсун уолаттара Ньургун Давыдов уонна Семен Яковлев. Күрэх 5 түһүмэҕинэн барда: бэйэни билиһиннэрии, аныгылыы саха таҥаһын көрдөрүү, талааны арыйыы, дефиле уонна ыйытыктарга эппиэт. Дьүүллүүр сүбэҕэ нэһилиэк биллэр-көстөр күүстээх аҥардара СР Култууратын туйгуна Валерий Варфоломеев, Алексей Софронов, Айсен Шкулев уонна 11-с кылаас үөрэнээччитэ, кэскиллээх спортсмен Коля Луковцев , уонна кэрэ аҥардартан талааннаах хореограф, оҕо дьоҕурун сайыннарар оскуола иитээччитэ Сахаайа Ноговицына киирдилэр. Бу күнү нэһилиэк айар-тутар, талааннах эр дьоно эҕэрдэ кэнсиэринэн киэргэттилэр. Күрэх түмүгүнэн «Кэрэ Куо-2019» үрдүк ааты ылла Виктория Федорова. Нэһилиэкпит аҕа баһылыга Денис Уваров кыайыылаахха уран тарбахтаах Далбар хотуммут Ольга Алексеева айан тиспит диадематын кэтэртэ уонна анал бирииһин туттарда. Инстаграм нөҥүө куоластааһын түмүгүнэн Айталина Кириллова 475 куолаһы ылан «Кэскиллээнэ Куо-2019» анал аат хаһаайкатынан буолла.
«Нарыйаана Куо -2019» анал ааты ылла Лилия Богданова,
«Айталыына Куо -2019» Айталина Кириллова,
«Мичийэ Куо -2019» Вероника Ноева,
«Сайнаара Куо -2019» Диана Корякина буоллулар. Түгэнинэн туһанан «Дьиэрэй ырыа» Культуура киинин аатыттан күүс-көмө, өйөбүл буолбут бар-дьоммутугар барҕа махталбытын тиэрдэбит.