Оhуокай дуорайда- Арчы дьиэтигэр! СР култyуратын туйгуна, Саха сирин үтүөлээх оhуокайдьыта, Хаҥалас улууhун Дархан этээччитэ — Тимофей Давыдов, төрөөбүтэ 55 сылыгар анаммыт үөрүүлээх тэрээhин бэрт сэргэхтик ааста. Булгунньахтаах нэhилиэгэр, Тимофей Федотович төрөөбүт күнүгэр сөп түбэhиннэрэн, сылын аайы оhуокай күнүн ыытыы — үтүө үгэскэ кубулуйда. Бугун арчы дьиэтин алгыстаах түhүлгэтигэр нэhилиэк баhылыга Денис Уваров, улуус духуобунай киинин специалиьэ Дмитрий Ющенко, «Дьиэрэй ырыа» култуура киинин дириэктэрэ Татьяна Ефремова, «Айылгы» фольклорнай ансаамбыл салайааччыта Наталья Сивцева, бэтэрээннэр түмсүүтүн салайааччыта Вера Ивановна Алексеева — үтүөкэн киhибит Тимофей Давыдовы ахтан-санаан, сылаас, истиҥ тыллары эттилэр.
Бу күн нэhилиэк талба талааннаахтара, уран тыл уустара — Антонина Петрова, Екатерина Уварова, Альбина Решетникова, уонна Тимофей Федотович кыра уола — Ньургун Давыдов оhуокайы дуораччы эттилэр, эти-хааны эрчийдилэр, сүргэни көтөхтүлэр.
Итиэннэ, улуустан ыҥырыылаах ыалдьыт Дмитрий Ющенко оhуокай кэрэ кистэлэҥин арыйар маастар-кылааhы ыытта.
Уохтаах кымыhынан, арыылаах алаадьыннан кэлбит ыалдьыттары күндүлээтилэр, дьоро түгэн уопсай хаартыска5а түhүүннэн түмүктэннэ.