1 – кы Малдьаҕар нэһилиэгэр, «Дьобулҕа» КК олунньу 23 күнүгэр Аҕа Дойдуну Көмүскээччилэр күннэригэр аналлаах, МВД  полковнига  И.Платонов көҕүлээһининэн, сэрии бэтэрээнэрин дьиэ кэргэттэрин бирииһигэр, эр дьонно ытыыга, автоматы ыһыыга, хомуйууга  уонна мас тардыһыытыгар аһаҕас  күрэх буолан ааста. Манна автоматы ыһыыга Романов А.Е. бастаан – 7 тыь. Бириискэ тигистэ. Ытыыга Никитин В.А. кыайыылааҕынан таҕыста. Мас тардыһыытыгар Птицын Роман бастаан эмиэ 7 тыһ. бириискэ тигистэ. Бу күрэх сылын аайы ыытыллара үгэскэ кубулуйбута номнуо 4 сыла.

Олунньу 24 күнүгэр, «Дьиэрэй ырыа» КК араас көлүөнэ эр дьоно кыттыылаах хамаанданнан «Сатабыллаах эр бэртэрэ»   күрэх буолан ааста. Түөлбэттэн үстүү киһи; 18 тан 30 диэри, 30 тан 45 –гэр уонна 45 –тэн үөһэ саастаах дьон кытыннылар. Барыта 5 түһүмэххэ  күөн көрүстүлэр. Үгэс курдук бэйэни, хамаанданы билиһиннэрииттэн саҕалаан, тоҥ балыгы кыһыы, «Өһөс торбос», бириэмэҕэ таҥас таҥныы, уонна эҕэрдэ нүөмэр. Күрэххэ «Сардаана» түөлбэ хамаандата бастаан дьону- сэргэни соһуттулар, 2- с миэстэҕэ  «Дулуур» түөлбэ, 3 – миэстэҕэ «Сата» таҕыстылар.