Тохсунньу 14 күнүгэр, «Дьиэрэй ырыа» Культура Киинигэр «Для нас любимых» диэн сэргэх ааттаах нэһилиэк кэрэ аҥардарын тумэр тэрээһин буолан ааста.Тэрээһин сыала – соруга – нэһилиэк кэрэ аҥардарын сааһыттан тутулуга суох түмэ тардан, сүбэлэрин холбоон, биир сомоҕо куус оҥорон нэһилиэк сайдыытыгар тирэх көмө оҥоруу, саҥа көрүүлэрдээх, этиилэрдээх, эрчимнээх саҥа түмсүүлэри тэрийии буолар. Тэрээһини улуус биир бастыҥ ыытааччыта Вероника Быганова иилээн – саҕалаан ыытта, истиҥ ырыаларынан киэргэттэ. Түмүккэ культура дьиэтин үлэһиттэрэ кэлбит дьоҥҥо Таҥха оонньууларын ыыттылар. Ол курдук сахалыы хаартынан, кинигэнэн, этэрбэһинэн, иҥнэнэн, ууннан, буосканан инникилэрин билгэлэннилэр.