Аҕа дойдуну көмүскээччилэр күннэринэн 1 Малдьаҕар нэһилиэгэр аһаҕас военно- спортивнай турнир буолан ааста. Бу турнир Кыайыы 75 сылыгар ананар. Сэттис төгүлүн иилээн- саҕалаан тэрийбит дьоннорунан буолаллар  биһиги биир дойдулаахтарбыт Харитонов Иван Платонович уонна бэтэрээннэр сэбиэттэрин салайааччыта Алексеева Вера Ивановна. Сыала – соруга Аҕа дойду сэриитигэр сылдьыбыт бойуннары үйэтитии, эдэр көлүөнэҕэ тириэрдии. Ол курдук биир дойдулаахтарбыт А5а дойду сэриитигэр сылдьыбыт буойуттар ааттара:

Капустин Василий Петрович, Капустин Илья Петрович, Харитонов Платон Иванович, Иванов Степан Андрианович, Алексеев Дмитрий Александрович, Павлов Павел Филиппович, Марков Егор Афанасьевич, Алексеев Григорий Гаврильевич, Лаврентьев Семен Николаевич, Севостьянов  Василий Игнатьевич, Соколов михаил Николаевич, Иванов Афанасий Егорович, Уваров Михаил Иванович, Севостьянов Давыд Афанасьевич.

 Кинилэр оҕолоро, сиэннэрэ бойун хаартыскалаах мэдээллэри оҥотторон  уонна призтары кыайыылаахтарга туттардылар.

 Быйылгы турнирга түөрт көрүҥҥэ, отут бөҕөс кытынна.

1 көрүҥ, «Калашников” автомат сааны бириэмэҕэ ыһыы, хомуйуу. Барыта 16  киһи кытынна. Кыайыылааҕынан Булгунньахтаах орто оскуолатын ахсыс кылаас үөрэнээччитэ Данчинов Вова буолла. Иккис миэстэ- Петров Алексей, үһүс миэстэ- Степанов Владислав буоллулар.

2 көрүҥ, сыал ытыы, отут киһи кытынна. Бастакы миэстэни Лукин Василий, иккис миэстэни Варфоломеев Владислав, үһүс миэстэни Рыгунов Валерий ыллылар.

3 көрүҥ, эдэрдэргэ сиртэн анньыныы, барыта алта бөҕөс кытынна. Бастакы миэстэни 81сиртэн анньынан Саввинов Альберт ылла, иккис миэстэни 75 анньынан Варфоломеев Гаврил, үһүс миэстэни тыҥааһыннаах киирсиһии кэнниттэн Булгунньахтаах орто оскуолатын ахсыс кылаас үөрэнээччитэ Петров Алеша ылла.

4 көрүҥ, бэтэрээннэргэ дартс быраҕыы, тоҕус киһи кытынна. Бастакы миэстэни 24 очколаах- Егоров Виктор, иккис миэстэни 22 очколаах- Лукин Егор, үһүс миэстэни 19 очколаах Дьяконов Александр ыллылар.

Бу турниры ыытта Булгунньахтаах орто оскуолатын учуутала Едисеев Николай Николаевич. Киирии билиэтинэн лотерея оонньонуллунна, суперприз- ЖК телевизоры туруордулар Аҕа дойду сэриитин буойуннара Харитонов Платон Иванович уонна Марков Егор Афанасьевич. Телевизор хаһаайына Валерий Рыгунов буолла. Үгэскэ кубулуйбут турнир сыл- аайы кыттааччыта элбии турарыгар баҕарабыт. Булгунньахтаах библиотекатын салайааччыта Анисия Дьяконова.