Хаҥалас улууһун Булгунньахтааҕар «Играй, гармонь! Живи, частушка!» өрөспүүбүлүкэтээҕи XXI-c төгүлүн ыытыллар фестиваль арылынна!

Быйылгы тэрээһин улууспут баһылыгын Олег Иринеев дьаһалынан «Потомки государственных ямщиков» общественнай тэрилтэни төрүттээбит, «Гордость России» дьоһун аат хаһаайына, биллиилээх общественнай диэйэтэл, Ил Түмэн дьокутаатынан талыллан Судаарыстыбаннай Мунньахпыт бэрэссэдээтэлин бастакы солбуйааччытынан үлэлии сылдьыбыт, олохтон эрдэ барбыт биир дойдулаахпыт Анатолий Добрянцев аатынан ыытыллар.
Фестивалы үөрүүлээх арыйыыга баһылык Олег Иринеев, дьаамсыктар сыдьааннарын общественнай тэрилтэтин салайааччы Ирина Стрекаловская о.д.а. тыл эттилэр, тэрээһин ситиһиилээхтик барарыгар, үтүө үгэстэр салҕана туралларыгар баҕа санааларын эттилэр.

Төгүрук остуолга дьаамсыктар таҥастара-саптара көрдөрүлүннэ. Бүгүн манна быыстапкалар, куонкурустар киэһэ хойукка диэри хас даҕаны улуус дьоно кыттыылаах салҕаныахтара.

Надежда Степанова